تنزيل خطفوني ولاد الإيه – مسرحية كاتب مسرحي وروائي مصريالمسرحية الكوميدية
خطفونى ولاد الإيه ؟
أو
حكاية الفلاح عبد المطيع
الرؤية الخامسة
تأليف
السيد حافظ
الفصل الأول
المشهد الأول
راوى 1 : مساء الخير عليكم .. ( يظهر وخلفه ستار سكوندو )
راوى 2: مساء النور والانوار على اهل بلدى الكرام ..( يظهر من الإتجاه المعاكس )
راوى 1 : الليله دى حنحكى لكم حكاية سلطان .. مصر قنصوة الغورى ..
راوى 2 : لا وحكاية سلطان زمانه .. الفلاح عبد المطيع ..
راوى 1 : سلطان مصر قنصوة الغورى .. إزاى جه وحكم البلاد .. وإيه اللى جرى فى زمانه للعباد ..
راوى 2 : سلطان زمانه فلاح بسيط .. اسمه عبد المطيع .. وكان بيعيش فى عصر السلطان قنصوة الغورى ..
راوى 1 : الحكاية دى حققية ..
راواى 2: وحصلت فى مدينة القاهرة ..
راوى 1: فى ليلة من ليالى مصر المحروسة .. وكان السلطان العادل طومان باى راجع إلى قصره فى القلعة ..
راوى 2 : ضربوه بخنجر فى الظلام ..
راوى 1 : الخنجر مجاش فى السلطان ..
راوى 2 : جريت العساكر وجريت المماليك يدوروا على اللى ضرب الخنجر على السلطان .. فى الضلمة ..
راوى 1 : وفى الليل .. وبين المشاعل والجرى والهرتك والبرتك .. اختفى السلطان العادل طومان باى ..
راوى 2 : فى الوقت ده كان سلطان زمانه عبد المطيع .. قاعد قدام الدار مع جارته فاطمة .. وفاطمة عطيته برتقالتين .. وياعينى على الحنان والحنية عبد المطيع .. أكل واحدة وعطى عياله برتقالة .. وخاف يقول لمراته عن برتقال فاطمة .. أو يجيب سيرتها لياكل علقة من مراته أم بثينة .. (يظهر المنادى )
المنادى : يا أهل القاهرة .. يا أهل القاهرة مرسوم .. مرسوم سلطان البلاد العادل طومان باى .. حفظه المولى ورعاه .. إختفى من المدينة ..
خطفوني ولاد الإيه – مسرحية رابط مباشر PDF
